July 4th

July 4th 對大部份人黎講都唔係特別既日子, 不過住晌美國, 呢個都算係聖誔同火雞節以外最大既一個日子. 唯一一個有煙花... 年年都無乜特別既節目, 不過今年我公司"局"放一個禮拜假, 而阿渣fit人d假又多到瀉晒, 所以諗諗下都係出去行下. 尤其今年July 4th晌星期三, 個long weekend好似好long咁...

今次係好傖拙咁話去, 都有少少頭痛. 本來諗住去LA, 但係又無乜野玩, 諗諗下就變左去san diego. 其實都係無乜野玩, 不過未去過, 都應該去下. 開車落去大約七個幾鐘, 都唔算好差... 諗住去佢個wild animal park, d 動物周圍走, 變左d人好似係俾動物睇咁! 佢地話呢個動物園本來係用黎飼養去san diego zoo既動物, 俾佢地有種好似晌非洲既感覺... 攪攪下就開放左變成另類動物園, 都幾好賺!

除左普通入場費之外, 仲可以參加佢地有d tour, 係會帶d遊客去到個園中心, 有近距離接觸, 仲可以餵長頸鹿同rhinos. 我地參加左一個係夜晚團, 因為d動物日頭怕熱都會匿埋唔出黎. 唔知會見到d乜,睇下影唔影到d相返黎睇... :)

旅行

一年一度既旅行時間又到, 今年既目的地係....登登登鄧... 埃及!! 順道去巴黎同amsterdam玩幾日先返屋企. 諗起都好興奮!! 哈!

每年呢個時候都差不多要籌劃同準備呢個旅行. 要做research, 又要check機票, 酒店, 導遊, 等等各樣鎖碎事, 有時都幾頭痛. 要想辦法用最優惠既價買最好既野, 當然要做好多功夫. 所以每日返到公司, 都係掛住上網睇留言板. 睇下d人對不同酒店同地點既評論. 又要睇下埃及有咩地方一地要去, 一定要做, 之類之類... 再要check來回機票價錢. 而且今次有三個目的地, 所以特別煩!

不過都好look forward to呢個旅行, 一個好特別既地方, 而且又有一班好朋友一齊去玩, 應該會好開心!! 嘻嘻!