好緊張

早幾日訂左機票喇! 仲有一個月就返香港睇草蜢演唱會, 心情好緊張!!! (>_<") 不經不覺, 已經"十扑"左草蜢成十九幾年. 仲記得由佢地唱烈火快車開始已經好鍾意! 儲埋零用錢就係買餅帶黎聽, 同埋睇佢地既mini concert. 仲有果陣時差不多隔期一百分或者大眾偶像都係佢地做封面, 年中都洗唔少錢買呢d雜誌. 還好大家都知我係一個草蜢迷, 好多時候其他同學仔見到報紙有佢地都會剪低留俾我. 親筆簽名相和合照真係數都數唔晒! 我有好多簽名相同十蚊紙都唔知去左邊喇. 剛啱搵番個"士驚拿"出黎, 梗係要digitize返晒d珍藏啦! 從來未公開過. 大大話話都有十四年喇呢幾張相...







呢d相出面買唔到架. 當年都唔明點會夠膽約草蜢出黎"做訪問", 然後當然要同佢地影返輯"沙龍"啦!
下面呢張相先至係至珍貴. 我其實都唔記得曾經同阿梅影過相. 呢日係蘇志威蘇老闆佢間唱片鋪新開張剪綵時影既. 當年點解我地可以"鼠"到入去我都已經唔係好記得清楚. 只係記得其他fan屎流晒口水咁望住樓上鋪頭入面所有既明星歌星, 而我地就好輕鬆咁晌入面同佢地影相. 最重要既係呢日係我移民上機前三日. 呢一次亦係我最後一次見到佢地真人. 都已經十三年幾喇, 心情當然係極到十分極到緊張啦! 呵呵...

無止境的...路

早陣子開車過橋到東灣, 可能天氣關係, 令海天都是白濛濛一遍. 在上橋前看見前面橋的最高處, 和前面的一條直路, 感覺好像這條橋一直會走到天堂...若果有天堂的存在. 要不然就像一條無止境的路, 沒有盡頭. 一直往上走, 並不知最高有多遠. 從來過橋都有種怪怪的感覺. 當過了橋的上斜和落斜後, 明明是一條平坦的路, 開車時的感覺都好像一直很努力地往上爬, 不知道為什麼會這樣想. 每次我都要看看在旁的境物證實我並不是在上斜, 而路是平坦的. 或許只是我車子性能不好吧... (>_<")