一年前我仲大住個肚等運到, 眨下眼個女都八個月大. 每日都時間緊逼, 無機會slow down去紀錄生活既一點一滴. 因為大部份時間都係成盆水倒落黎, 反應得黎掛住透大淡氣又另一盆淋過黎. 今日終於都的起心肝, 希望可以寫返一篇summary!
- 生bb唔辛苦, 因為我係c-section. 阿女太肥, 唔肯掉轉頭, 所以要夾硬開刀拎佢出黎, 唔係佢晌我個肚入面有排坐.
- 生完bb都唔辛苦. 傷口雖然痛, 但係都頂得住. 最唔鍾意反而係無啦啦就可以喊到眼淚有成條河咁多... 呢個係我預算唔到.
- 餵人奶開頭好辛苦, 無又煩, 有又煩, 唔夠又煩. 不過捱左幾個星期之後都好順利. 只係半夜好似個zombie咁開唔到隻眼就抱個bb食奶奶... 試過訓著覺差幾乎流埋滴口水落阿b塊面到, 好在索得快.
- 阿女都算係咁, 十個禮拜就自己戒其中一餐夜奶. 十二個禮拜就瞓過夜. 等阿媽返工無咁辛苦.
- 阿女兩個月大就將佢搬入佢自己房晌自己張床仔度瞓... 一d問題都無.
- 仲記得有一排阿女餐餐痾屎都好似準備打丈咁,因為唔想同佢由頭換到落腳. 佢次次都痾到上背脊. 有次同佢去超級市場, 買完野諗住同佢食埋支奶先返屋企, 點知佢決定要痾... 真係攪到好"leh hea".
- 阿女怕公公, 唔知幾時開始, 見到公公會喊. 而家唔喊, 不過唔俾公公抱. (其實大部份人佢都唔俾抱...)
- 五個半月開始俾佢食baby food. 呢個為食妹, 俾咩都食. 但係有陣時佢會唔肯晌dinner果餐食水果baby food, 要食菜頪... 真係唔係好知佢係咪真係識得分!
- 六個月左右先開始識轉半身. 不過我絕對無complaint. 太早成日轉身換片時好麻煩.
- 七個月就坐得非常穩陣, 唔駛你幫!
- 八個月大學緊"前進". 未識爬, 不過識得"ugg"
- bb 時沖涼會握緊拳頭, 而家沖涼開心到你同佢上水佢會鬧你...
- 六個半月時開始同佢學自己瞓覺. 開頭喊左兩日就無再喊. 不過一病就唔得, 因為唔舒服. 佢而家夜晚八點瞓到第朝八點, 都算係咁喇.
- 返day care唔好處係多病. 由三個月大開始, 每個月病一次. 開頭有發少少燒, 而家多數都只係傷風流鼻水, 最難收既係成咳. 好慘!
寫住咁多先... 諗到先再加!
