草蜢! 草蜢! 草蜢!

草蜢九月二號會黎三藩市開演唱會呀!!!!!!
點算好? 點算好? 點算好?

The Deathly Hallows

終於睇完第七本 Harry Potter,有種完滿散場既感覺. 今次無喊, 雖然有好多地方都睇到心情好沉重. 呢本書應該會係我最欣賞既一本. 寫得動魄驚心, 十分精彩緊張. 亦很佩服作者既creativity. 同埋描寫故事裏面既情景. 係有少許唔係好捨得, 不過每個故事都應該有完結既一刻. 我亦都很喜歡個結尾. 無論書中描寫愛或恨都能夠感動得到讀者既心, 同故事裏既主角一齊愛同恨.

若果你未睇過任何一本 Harry Potter 既書, 我會建議你去書局買本黎睇. 頭兩本都比較似兒童既書本, 很淺和易明白. 但係慢慢開始會越來越引人入勝. 第二本比較悶, 不過第三本係我既至愛. 有時間我會再從頭再睇過晒咁多本. 再細心閱讀每一個情節... 就好似親身經歷每一個故事...

San Diego

上個禮拜四至日開車從三藩市到san diego. 大約五個鐘頭去到 LA, 跟住塞車塞左三個鐘頭先到san diego. 果晚走去食左餐russian-georgian dinner, ok 啦... 唔係咁啱口味, 不過都唔係話難食. 點都唔夠第二晚果餐意大利菜. 又貴又難食, 真係食快餐都仲好好多.

呢個trip既highligh都算係禮拜六去左個wild animal park, 係屬於san diego zoo, 不過唔係真係一個動物園. 果度有個好大好大既地方, d動物可以自由活動, 好似真係晌非洲草園度生活咁, 唯一唔同係d獅子老虎隔開左, 唔會食左佢地.

我地仲參加左一個tour係可以走入去個草園度餵長頸鹿同rhinos. d長頸鹿仔好可愛, 不過唔餵得佢地因為佢地只可以食媽媽既奶. 跟住去餵rhinos, 當然佢地係無咁靚, 不過其實都好可愛, 係比較粗魯少少咁啦.