歌星

早幾日搵到幾個site有好多mp3, 已經有幾個月都冇download mp3, 一來 d site 死鬼晒, 又或者開始收錢, 一集碟得幾首歌係免費dl, 去親個site都鬼死咁多18歲以上既廣告banner同pop under, 晌公司好難dl, 因為真係唔知佢幾時會彈個site出黎係全版都係d冇著衫既日本妹...有人行過睇到就唔係幾好咁啦! (>_<")

不過啱啱搵到個message board, 實在好方便, 唯一係quality未必一定好. 不過唔駛錢, 仲想點! 既然唔駛錢, 速度又快, 梗係狗屎垃圾都dl啦! 俾我dl左李逸朗 + 蔣雅文既album, 真係幾好聽. 無論新歌或翻唱舊歌都好好聽. 全新編曲既幾首舊作都好鬼冧, 難怪唱片公司係咁幫佢地出碟, 應該都幾有客路, 尤其香港無乜呢類型既組合, 而又唱得歌....

以前都好鍾意聽twins, d歌好commercial, 不過又幾易上口. 但係可能人老左, 真係開始唔係好頂得順佢地首首歌都差唔多. 感覺好似聽楊千嬅同鄭秀文, 十年前既歌同十年後既都冇乜分別. 反之而聽容祖兒隻新歌心花怒放, 第一次聽都真係差d認唔出係佢. 點解佢可以有咁多把唔同既聲? 雖然唱腔都十分似, 但係佢既歌經常都能夠帶來新鮮感, 唔會咁悶.

另外一首我近排好好好鍾意既歌係浜崎步首secret. 我初初係聽到何韻詩唱既版本, 覺得好ok. 但係我覺得原唱者唱得有感情好多. 可能係因為佢自己填詞, 知道首歌想表逹既意思. 又或者係我聽唔明佢唱乜... 唔係話何韻詩唱得唔好, 不過佢好似有少少念書既感覺, 唔係好唱得出首歌果種需要自由既感覺.

另外我又第一次聽謝安琪唱歌...我好鍾意佢把聲, 幾特別.

仲有dl左成隻一公升眼淚既ost...好好聽, 好舒服, 有時晌公司聽差幾乎瞓著... :p

以下呢首歌係送俾所有我咁上下年紀既人:

~ 再見 puppy love ~
作曲: 林慕德
填詞: 卡龍
原唱者: 林姍姍, 陳百強

柔情萬縷 竟分不了先後
情如獨奏 使我默然放手 請放手
但我心裡頭卻說不過
心裡面疑惑 這是抉擇時候

從來沒有 講出心愛的話
從來沒有 渴望熱情永久 可永久
但你心裡頭卻放不了
將快樂忘掉 甘犠牲站門後
情不禁地眼淚流

忘掉你 誰能接受
如今放手 無言退後
仍得強裝 面貌鎮定
來避免 共抱頭痛哭 難放手

凝望你 含情眼眸
如今記起 情懷已舊
流水記憶 淡淡過後
心再沒有恨愁

因為聽返李逸朗同蔣雅文合唱既版本, 忽然間又好鍾意聽. 仲俾我搵返林姍姍同陳百強個version. (>_<")