unsettled

今日好似乜都做唔到, 其實都幾日係咁. 返到公司, 一大堆會要開, 又無謂, 但又要開. 忙忙碌碌無時間做要做既野. 到有時間靜落黎, 個心又好唔settle, 好唔專心. 想搵人講下野, 但係其實又無乜特別野想講, 就連surf web都唔係好知surf乜野好. 做乜都唔專心.

諗起仲有一個多月就返香港同去泰國心情都好興奮. 但係感覺好似都仲有好耐先到. 聖誔禮物又未買晒, 其實又唔係好想去買, 因為人又多, 泊得車黎仲要行去搵合適既禮物實在好麻煩. 跟住一抽二lung咁又要同人逼. 所以到而家都只係買左兩份, 仲有三份未買齊. 真係頭痛! 跟住諗起聖誔仲要應酬d親朋戚友都好悶. 所以最look forward既係new year's eve. 同過往兩年一樣我地都會去個朋友屋企到, 通常佢都有五六七八十個人晌度開扖地, 好熱鬧. 同埋同d朋友吹吹水又幾開心... 所以每年都好期待呢個日子!