食lunch既時候, 又同一個師奶傾開教小朋友呢個topic. 我自問我好respect人地點教佢地個小朋友. 我未必會認同, 不過我唔會話要佢改變佢個方式. 呢個世界無一個一套至完美既教小朋友方法. 每個小朋友都係獨一無二, 教既方法亦都唔同. 而教小朋友乜野係啱定係錯, 亦都只係全憑父母既教育知識. 我會教我個小朋友同性戀並唔係罪, 亦唔犯法. 現今社會未必人人都認同, 但係呢個係我個believe, 亦唔需要人地去認同. 我只可以教我個小朋友呢個世界係會有人反對你既想法, 要耐心去對待每一個人. 唔可以強逼人地要同意你. 但可以用理由去解釋點解你會覺得呢樣係啱, 等人地自己去諗. 今日呢個師奶, 佢一路都覺得我反對政府立例同性戀唔可以結婚係因為我未有小朋友, 針唔吉到肉唔知痛. 佢地個思想好狹窄. 佢今日同我講, 佢話舊年佢同幾個朋友 (另外一對夫婦係基督徒) 祈禱話希望我將來會有小朋友, 然後我就會改變我個思想. (當然係會好似佢地咁反對同性戀結婚, 覺得同性戀係一個不道德既風氣, 佢地先係神既兒女... 而政府應該根據majority既意願去立例discriminate同性戀者) 我好直接話呢個思想我係永遠都唔會改變. 因為佢地根本都唔明我個立場. 我話我個believe係同性戀無問題, 就算我個小朋友將來係同性戀者, 我都唔會干預. 我反對立例係因為政府double standard. 男同女可以結婚, 但係同性就唔可以. 就好似政府立例話偷野食就得, 偷錢就唔得. 又或者白鬼可以搭巴士, 但係黑鬼唔可以. 但係同師奶講野, 係唔可以講理由. 就等於同一個無文化既人講藝術... 我今次無勞氣. 我仲不經意地話佢地呢種人係好膚淺. 不過都唔知佢會唔會明...
但係我自問從來都唔會去干預人地點樣教仔, 又或者批評佢既諗法係絕對錯. 我亦都好憎人話你未做阿媽你係唔會明. 我相信做咗阿媽係有一定既影響, 但係我亦都係一個有知識既人, 我唔會要求人地去改變黎遷就我教仔既方法. 我會去教我小朋友去分辨乜野係啱乜野係錯, 社會有好多野都唔係可以自己控制得到. 而且一樣米養百樣人, 唔可以話全世界都同你一樣諗法.
我不犯人, 亦希望人不犯我. 大家唔駛幫我祈禱. 我唔需要你幫...
3 comments:
終於有一篇寫中文囉
仲要寫得好過好多地道港仔港女
乜你粗身大細仲咁好火？
應該要聽多ｄ莫札特
或者香江歌王森老邱獻唱首本名曲「為了靚靚」
由得ｄ師奶發ｕｐ風
你同我同地球上所有物種加埋
都改變唔到佢地既silly thinking
我相信笨唔係所有基督徒都反同性戀既
不過宗教本身就存在唔少矛盾
仲要加埋同性戀呢個有ｄ「鬧搞」既話題
佢地梗係唔想又整多個自己未必解得通既topic啦
我唔係教友
但係我信冥冥中有條友in charge
我會盡量按照佢提倡既善行做人
但係
我更加珍惜佢比我地既自由意志
用我地既知識＋道德＋經驗
去採取適合既判斷
如果做人唔使用腦
做咩要整個腦比我？
而為左唔浪費我對眼
我每日都會好用心咁去目及女
其實無論點, 我都只係想我個小朋友可以學會尊重別人. 並非每一個人都認同你既睇法, 又或者同你既做法一樣. 我尊重其他師奶點樣教或者打仔, 呢個係佢既選擇, 我又唔係佢邊個, 就算係佢邊個邊個都無權話佢啱定錯... 除非佢就黎打死個仔啦!
我絕對相信你無辜負俾對眼你果條友...
同埋做你份工, 唔目及就真係會俾人話你傻! 哈哈!
我份工係正當職業
目及女亦係正當行為
Post a Comment