奇妙音樂旅程之草蜢編一

時間過得真快, 香港十日行來如風, 去無影, 好似剛坐完十幾個鐘飛機返香港, 無幾耐又坐返飛機返美國. 今次旅程既highligh當然係我呢個極度十分極之喜歡既草蜢演唱會. 其實在香港短短十數天, 其中有五晚都睇演唱會, 時間實在不夠用. 不過我都慶幸所有好友都在百忙中抽空跟我會一會面, 實在俾足薄面.

話說回來這個草蜢演唱會. 雖然我無親身經歷上年『我們的演唱會』, 不過單看dvd來說, 我相信上次比今次好睇. 不過!!並不代表今次唔好睇. 其實都係極度十分極之咁high同好睇. 不過我覺得上次可能因為太耐無開演唱會, 感覺上好似好surprise同好興奮. 今次係有些少期望. 總括而言我知道呢個都會係今年全年最好睇既演唱會. 我由第一場睇到第五場, 無睇尾場因為要趕飛機. 第一場既觀眾比較『悶』.氣份麻麻地. 不過我都跳到身水身汗. 係開頭同中場有些悶場. 不過連坐我前排果兩位婆婆都起晒身一齊搖, 你就知草蜢演唱會係幾咁正!

第二場演唱會有好大既improvement. 可能係星期五既關係, 觀眾都熱烈好多, 氣氛勁high. 當然亦係跳到身水身汗.